Ինչպե՞ս վարվել, եթե պատվերի հետ կա խնդիր

Եթե ապրանքը բացակայում է, սխալ է կամ ոչ պատշաճ որակի է, խնդրում ենք կապվել մեզ հետ պատվերը ստանալուց հետո 24 ժամվա ընթացքում՝ զանգահարելով +37494222275 հեռախոսահամարով կամ գրելով [email protected] էլ․ հասցեին՝ նշելով Ձեր պատվերի համարը։

Խնդրում ենք հնարավորության դեպքում նաև կցել խնդիրը հաստատող համապատասխան լուսանկար։

Մենք կփոխարինենք ապրանքը կամ կվերադարձնենք վճարված գումարը։

Ինչպե՞ս է իրականացվում գումարի վերադարձը

Գումարի վերադարձն իրականացվում է նույն վճարման եղանակով, որով կատարվել է սկզբնական վճարումը։

Քարտով կատարված վճարումների դեպքում գումարը վերադարձվում է նույն բանկային քարտին՝ առավելագույնը 14 օրվա ընթացքում, սակայն սովորաբար վերադարձը կատարվում է ավելի կարճ ժամկետում։

Քարտով կատարված վճարումները կանխիկ եղանակով չեն վերադարձվում։

Կանխիկ վճարումների դեպքում գումարի վերադարձի կարգը համաձայնեցվում է Ձեզ հետ՝ պատվերի իսկությունը հաստատելուց հետո։

Պատշաճ որակի ապրանքների վերադարձ

ՀՀ օրենսդրության համաձայն՝ (ՀՀ «Սպառողների իրավունքների պաշտպանության մասին» օրենք, հոդված 23), պատրաստված սնունդը և արագ փչացող ապրանքները չեն կարող վերադարձվել, եթե դրանք չեն համարվում ոչ պատշաճ որակի։

Պատշաճ որակի ոչ պարենային ապրանքը կարող է փոխարինվել կամ վերադարձվել, եթե՝

• ապրանքը չի օգտագործվել,
• պահպանված են դրա ապրանքային տեսքը և սպառողական հատկանիշները,
• պահպանված են կապարակնիքները և ապրանքային պիտակները,
• առկա է վճարման փաստը հավաստող փաստաթուղթ կամ այլ հաշվարկային փաստաթուղթ,
• առկա են տվյալ ապրանքը հենց տվյալ վաճառողից ձեռք բերելու վերաբերյալ ապացույցներ։

Պատշաճ որակի ոչ պարենային ապրանքը վերադարձնելու կամ փոխարինելու նպատակով այն վաճառողի գտնվելու վայր հասցնելու հետ կապված ծախսերը կրում է գնորդը, եթե կողմերի միջև այլ պայմանավորվածություն առկա չէ։

Վերադարձի գործընթացի կազմակերպում

Եթե Ձեր պատվերի հետ կապված որևէ խնդիր է առաջացել, զանգահարեք +37494222275 հեռախոսահամարով կամ գրեք [email protected] էլ․ հասցեին՝ նշելով Ձեր պատվերի համարը։

Մենք կճշտենք անհրաժեշտ տվյալները և կկազմակերպենք վերադարձի կամ փոխհատուցման գործընթացը։